Keramikk,- frå mine hender til dine!
Eg har hatt keramikkverkstad og utsal på garden sidan 1983. Etter å ha prøva ulike leiretyper, brukar eg no porselensleire. Den er finare i strukturen og meir krevjande å arbeide med, men ”bonusen” er stor! Etter glasurbrenning på 1250-1260 grader, får ein gode, brukarvennlege produkt. Å arbeide med porselen frå klump til ferdig produkt er utruleg fasinerande, fordi porselensleira sintrer på glasurtemperatur, og blir gjenomskineleg, kvit og vakker, både fin og røff på same tid. Godt å halde i hendene!
Eg lager alt frå små skåler og koppar til store fat og krukker, og dekorerer med t.d. kobolt, eller begitter utvendig med ulike fargar, for så å risse inn dekoren. Eg knar også fargestoff inn i leira og bruker det som dekorelement. Av og til legg eg på litt sylv eller gull og kanskje litt glas.
I tillegg til bruksting lager eg skulpturelle objekt. Eg har også laga utsmykkingar til Raulandsbadet og Attførings-senteret i Rauland.
Du kan sjå det eg lager i utsalet her på garden og på ulike utstillingar, og eg kan garantere at det reiseminne du kjøper her, er laga her! Har du lyst, kan du dekorere ditt eige reiseminne på verkstaden min.
Klikk her for å sjå fleire bilete
